ISRO (indian space research organization)

ಬೆಂಗಳೂರು: ಹೃದಯಾಘಾತದಿಂದ ಮತದಾರರೊಬ್ಬರು ಮೃತಪಟ್ಟ ಘಟನೆ ವೃಷಭಾವತಿನಗರ ವಾರ್ಡ್‍ನಲ್ಲಿ ನಡೆದಿದೆ.

ನಾರಾಯಣಪ್ಪ(75) ಮೃತ ಮತದಾರ. ಮಹಾಲಕ್ಷ್ಮೀ ಲೇಔಟ್ ವಿಧಾನಸಭಾ ವ್ಯಾಪ್ತಿಯ ವೃಷಭಾವತಿನಗರ ವಾರ್ಡ್‍ನ 172 ಬೂತ್‍ಗೆ ಇಂದು ಬೆಳಗ್ಗೆ ಕುಟುಂಬ ಸಮೇತರಾಗಿ ನಾರಾಯಣಪ್ಪ ಮತ ಚಲಾಯಿಸಲು ತೆರಳಿದ್ದರು.

ಮತ ಚಲಾಯಿಸಿದ ಬಳಿಕ ರಸ್ತೆ ದಾಟುವ ವೇಳೆ ಅವರಿಗೆ ಹೃದಯಾಘಾತವಾಗಿದೆ. ಕೂಡಲೇ ಅವರನ್ನು ಮನೆಯ ಸದಸ್ಯರು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಮಾರ್ಗ ಮಧ್ಯೆದಲ್ಲೇ ನಾರಾಯಣಪ್ಪ ನಿಧನರಾಗಿದ್ದಾರೆ.

ಓಟು ಹಾಕಲೇಬೇಕು… ಯಾಕಪ್ಪಾ ಅಂದ್ರೆ…!

ಬಿಬಿಎಂಪಿ ಎಲೆಕ್ಷನ್… ಮನೇಲಿ ಕೂತು ಟಿವಿ ನೋಡ್ಕೊಂಡು, ಸಿನಿಮಾ ಥಿಯೇಟರ್ ನಲ್ಲಿ ಸಿನಿಮಾ ನೋಡ್ಕೊಂಡು, ಫ್ಯಾಮಿಲಿ ಜೊತೆ ಔಟಿಂಗ್ ಹೋಗಿ, ವೆರೈಟಿ ವೆರೈಟಿಯಾಗಿ ಟೈಂ ಪಾಸ್ ಮಾಡೋ ಪ್ಲ್ಯಾನ್ ಇದ್ರೆ ಸೂಪರ್..! ಆದ್ರೆ ಅದಕ್ಕೆ ಮುಂಚೆ ಓಟು ಹಾಕೋದು ಮರೀಬೇಡಿ..! ನೀವು ಓಟು ಹಾಕಲೇಬೇಕು, ಅದೂ ಸರಿಯಾದ ಕ್ಯಾಂಡಿಡೇಟ್ ಗೆ..! ಇಲ್ಲದೇ ಇದ್ರೆ ಬೆಂಗಳೂರಿನ ಮುಗಿಯದ ಗೋಳು ಎಂದಿನಂತೆ ಮುಂದುವರೆಯುತ್ತದೆ..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರಿನ ರಸ್ತೆಗಳು ಸರಿಯಾಗ್ಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ಬೆಂಗಳೂರು ಟ್ರಾಫಿಕ್ ಸಮಸ್ಯೆಯಿಂದ ಮುಕ್ತಿ ಸಿಗಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರು ನಿಜವಾಗಿಯೂ ಗಾರ್ಡನ್ ಸಿಟಿ ಆಗ್ಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರು ಸ್ಲಂ ಮುಕ್ತ ಆಗಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರು ಸಾರಿಗೆ ವ್ಯವಸ್ಥೆ ಇನ್ನೂ ಸುಗಮ ಆಗ್ಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ಬೆಂಗಳೂರು ಮಾಲಿನ್ಯ ನಗರಿ ಪಟ್ಟಿಯಿಂದ ಹೊರಗೆ ಬರಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ಮಳೆ ಬಂದಾಗ ರಸ್ತೆಯಲ್ಲಿ ನೀರು ನಿಲ್ಲದಂತಾಗಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಾವು ನೀವು ಎಂತಹ ಹೊತ್ತಲ್ಲೂ ಧೈರ್ಯವಾಗಿ ಓಡಾಡುವಂತಾಗಬೆಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರು ಅಪರಾಧಮುಕ್ತ ನಗರವಾಗಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರಿನಲ್ಲಿ ಭ್ರಷ್ಟಾಚಾರ ನಿಂತುಹೋಗಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರು ಅಂತರಾಷ್ಟ್ರೀಯ ಮಟ್ಟದಲ್ಲಿ ಮಿನುಗಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರು ಶ್ರೀಮಂತವಾಗಬೇಕು…!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರಿನ ಪ್ರತೀ ಏರಿಯಾಗಳು ಪ್ರಗತಿಯಾಗಬೇಕು..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರಿನ ಬಗ್ಗೆ ನಾವೇ ನೆಗಿಟಿವ್ ಆಗಿ ಮಾತಾಡೋದು ನಿಲ್ಲಬೇಕು,www.tnit.in

ನಾವು ಓಟು ಹಾಕಿದ್ರೆ ಇಷ್ಟೆಲ್ಲಾ ಆಗುತ್ತಾ ಅಂತ ಮೂಗುಮುರೀಬೇಡಿ..! ನಿಮ್ಮ ಆಯ್ಕೆ ಸರಿಯಾಗಿದ್ದರೆ ಇವೆಲ್ಲವೂ ಖಂಡಿತ ಆಗುತ್ತೆ..! ನನ್ನದೊಂದು ಓಟು ಏನ್ ಮಹಾ ಬದಲಾಯಿಸಿಬಿಡುತ್ತೆ ಅಂತ ಲಕ್ಷ ಜನ ಯೋಚಿಸಿದರೆ ಬೆಂಗಳೂರಿನ ಭವಿಷ್ಯ ಕಮರಿ ಹೋಗುತ್ತೆ..! ನೀವಿರೋ ನಿಮ್ಮ ಏರಿಯಾಗೆ ಯಾರು ಗೆದ್ದರೆ ಒಳ್ಳೇದು ಅನ್ಸುತ್ತೋ ಅವರಿಗೆ ಓಟು ಹಾಕಿ..! ಎಲ್ಲರೂ ಭ್ರಷ್ಟರೇ, ಎಲ್ಲರೂ ವೇಸ್ಟ್ ಅಂತ ಅನಿಸಿದ್ರೆ, ಇದ್ದವರಲ್ಲೇ ಉತ್ತಮರನ್ನು ಆರಿಸಿ..! ಆದ್ರೆ ತಪ್ಪದೇ ಓಟು ಮಾಡಿ..! ಓಟು ಹಾಕದೇ ನಾಳೇ ಅದಿಲ್ಲ ಇದಿಲ್ಲ ಅಂತ ದೂರಿದ್ರೆ, ಅದನ್ನು ಕೇಳೋ ನೈತಿಕ ಹಕ್ಕು ನಿಮಗಿರೋದಿಲ್ಲ..! ಹಾಗೇ ಇವತ್ತು ನೋಟು ಇಸ್ಕೊಂಡು ಓಟು ಹಾಕಿದ್ರೆ, ಮುಂದೆ ಪ್ರತಿಯೊಂದಕ್ಕೂ ನೋಟು ಕೊಡಬೇಕು ಅನ್ನೋದನ್ನು ಮರೀಬೇಡಿ..! ಅದೆಷ್ಟೇ ಕಷ್ಟವಾದ್ರೂ ಕುಟುಂಬ ಸಮೇತ ಹೋಗಿ ಓಟು ಹಾಕಿಬನ್ನಿ..! ನಿಮ್ಮ ಮೈಮೇಲೆ ಏಕೈಕ ಒಳ್ಳೆಯ ಕಲೆ ಅಂದ್ರೆ ಅದು ನಿಮ್ಮ ಬೆರಳಮೇಲೆ ಹಾಕಿಸಿಕೊಳ್ಳೋ ಮತದಾನದ ಕಲೆ..!

ನೀವು ಓಟು ಹಾಕಲೇಬೇಕು, ಯಾಕಂದ್ರೆ ನಮ್ಮ ಬೆಂಗಳೂರು ನಮ್ಮ ಹೆಮ್ಮೆಯಾಗಬೇಕು..!

-ಕೀರ್ತಿ ಶಂಕರಘಟ್ಟ

ನವದೆಹಲಿ: ದೇಶದಲ್ಲಿಯೇ ಅತಿ ಹೆಚ್ಚು ಬಾಲ್ಯ ವಿವಾಹ ನಡೆದ ರಾಜ್ಯಗಳ ಪೈಕಿ ತಮಿಳುನಾಡು ಮತ್ತು ಕರ್ನಾಟಕ ಕ್ರಮವಾಗಿ ಮೊದಲ ಹಾಗೂ ಎರಡನೇ ಸ್ಥಾನದಲ್ಲಿವೆ.

ದೇಶದಲ್ಲಿ ವರದಿಯಾದ 280 ಬಾಲ್ಯ ವಿವಾಹಗಳ ಪೈಕಿ ಅರ್ಧದಷ್ಟು ಪ್ರಕರಣಗಳು ದಕ್ಷಿಣ ಭಾರತದ ತಮಿಳುನಾಡು, ಕರ್ನಾಟಕ, ಕೇರಳ, ಆಂಧ್ರ ಪ್ರದೇಶ ಮತ್ತು ತೆಲಂಗಾಣದಿಂದ ವರದಿಯಾಗಿವೆ.

ಭಾರತದ ಇನ್ನಿತರ ರಾಜ್ಯಗಳ ಪೈಕಿ ಪಶ್ಚಿಮ ಬಂಗಾಳ, ಗುಜರಾತ, ಹರಿಯಾಣ, ಮಧ್ಯ ಪ್ರದೇಶಗಳಲ್ಲಿ ಕೂಡ ಈ ಸಾಮಾಜಿಕ ಪಿಡುಗು ಇನ್ನೂ ಜಾರಿಯಲ್ಲಿದೆ. ರಾಷ್ಟ್ರದ ರಾಜಧಾನಿ ದೆಹಲಿಯಲ್ಲಿ ಕಳೆದ ವರ್ಷ ಎರಡು ಪ್ರಕರಣಗಳು ವರದಿಯಾಗಿವೆ.

2014ರ ಅವಧಿಯಲ್ಲಿ ದೇಶದಲ್ಲಿ ನಡೆದ ಅಪರಾಧ ಪ್ರಕರಣಗಳ ಕುರಿತು ಅಧ್ಯಯನ ನಡೆಸಿದ ಕೇಂದ್ರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯ ಸಮಿತಿ ನೀಡಿದ ವರದಿಯಲ್ಲಿಈ ಆತಂಕಕಾರಿ ಸಂಗತಿ ಬೆಳಕಿಗೆ ಬಂದಿದೆ.

ಸಂತಸಪಡುವ ವಿಷಯವೆಂದರೆ ಉತ್ತರ ಭಾರತ, ಈಶಾನ್ಯ ರಾಜ್ಯಗಳು, ಗೋವಾ, ಜಮ್ಮು ಮತ್ತು ಕಾಶ್ಮೀರ ಹಾಗೂ ಉತ್ತರಾಖಂಡದಲ್ಲಿ ಅನಿಷ್ಟ ಪದ್ಧತಿಯ ಸುಳಿವಿಲ್ಲ.

ಕಾರಣ ಏನು?: ಸಾಮಾಜಿಕ ಅನಿಷ್ಟ ಪದ್ಧತಿಯಾದ ಬಾಲ್ಯ ವಿವಾಹಗಳನ್ನು  ತಡೆಗಟ್ಟಬೇಕಾದ ಅಧಿಕಾರಿಗಳು ಸಮರ್ಪಕವಾಗಿ ಕಾರ್ಯನಿರ್ವಹಿಸದಿರುವುದೇ ಸಮಸ್ಯೆ ಹೆಚ್ಚಳಕ್ಕೆ ಕಾರಣ ಎಂದು ವರದಿ ಅಸಮಾಧಾನ ವ್ಯಕ್ತಪಡಿಸಿದೆ.

ಬಾಲ್ಯ ವಿವಾಹ ತಡೆ ಕಾಯ್ದೆ ಕಟ್ಟುನಿಟ್ಟಾಗಿ ಪಾಲನೆಯಾಗದಿರುವುದು ಮತ್ತೊಂದು ಕಾರಣ ಎಂದು ಹೇಳಲಾಗಿದೆ. ಬಾಲ್ಯ ವಿವಾಹಕ್ಕೆ ಸಂಬಂಧಿಸಿದಂತೆ 2014ರ ಅಂಕಿಸಂಖ್ಯೆಗಳು ನಿಖರವಾಗಿಲ್ಲ. ವರದಿಯಲ್ಲಿ ಹೇಳಿದ್ದಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ  ಬಾಲ್ಯ ವಿವಾಹ ನಡೆದಿವೆ ಎಂದು ಎಂದು ಕೇಂದ್ರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯ ಒಪ್ಪಿಕೊಂಡಿದೆ.

ತೀರಾ ಇತ್ತೀಚಿನ ವರದಿ ಪ್ರಕಾರ ದೇಶದ 20–24 ವಯೋಮಾನದ ವಿವಾಹಿತ ಮಹಿಳೆಯರ ಪೈಕಿ ಶೇ 43ರಷ್ಟು ಜನರು 18 ವರ್ಷಕ್ಕಿಂತಲೂ ಮೊದಲೇ ವಿವಾಹವಾಗಿದ್ದಾರೆ ಎಂದು ಸಚಿವಾಲಯ ಸ್ಪಷ್ಟಪಡಿಸಿದೆ. ಬಾಲ್ಯ ವಿವಾಹದಿಂದಾಗಿ ಬಾಲಕಿಯರು ಹೆಚ್ಚು ಕೌಟುಂಬಿಕ ಹಿಂಸೆ, ದೌರ್ಜನ್ಯ ಮತ್ತು ಶೋಷಣೆಗೆ ಒಳಗಾಗುತ್ತಾರೆ ಎಂದು ವರದಿಯು ತಿಳಿಸುತ್ತದೆ.

ನವದೆಹಲಿ: 1993ರ ಮುಂಬೈ ಸರಣಿ ಸ್ಫೋಟದ ರೂವಾರಿ ಹಾಗೂ ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ಪಾಕಿಸ್ತಾನದಲ್ಲೇ ಇದ್ದಾನೆ ಎಂಬುದು ಆತನ ಪಾಸ್‌ಪೋರ್ಟ್ ಹಾಗೂ ಪತ್ನಿಯ ಫೋನ್ ಬಿಲ್‌ನಿಂದ ಮತ್ತೊಮ್ಮೆ ಸಾಬೀತಾಗಿದೆ.

ದಾವೂದ್ ನಮ್ಮ ದೇಶದಲಿಲ್ಲ ಎಂದು ಪಾಕಿಸ್ತಾನ ವಾದಿಸುತ್ತಿದೆ. ಆದರೆ ಭಾರತೀಯ ಭದ್ರತಾ ಸಂಸ್ಥೆ ಈಗ ಹೊಸ ಸಾಕ್ಷ್ಯಗಳ ಮೂಲಕ ಪಾತಕಿ ಪಾಕಿಸ್ತಾನದಲ್ಲೇ ಇದ್ದಾನೆ ಎಂಬುದನ್ನು ಸಾಬೀತುಪಡಿಸಿದೆ.

ಭದ್ರತಾ ಸಂಸ್ಥೆಗೆ ದೊರೆತ ದಾವೂದ್ ಇಬ್ರಾಹಿಂ ಪಾಸ್‌ಪೋರ್ಟ್, ಇತ್ತೀಚಿನ ಫೋಟೋ ಹಾಗೂ ಪತ್ನಿಯ ಫೋನ್ ಬಿಲ್‌ನಲ್ಲಿ ಪಾಕಿಸ್ತಾನದ ಕರಾಚಿಯ ವಿಳಾಸ ಇದೆ.

ದಾವೂದ್ ಪತ್ನಿ, ಪುತ್ರ ಮೊಯೀನ್ ನವಾಜ್ ಹಾಗೂ ಇಬ್ಬರು ಪುತ್ರಿಯರಾದ ಮಹರುಖ್, ಮೆಹ್ರೀನಾ ಪಾಕಿಸ್ತಾನದಲ್ಲೇ ವಾಸವಾಗಿದ್ದಾರೆ. ಸದ್ಯ ಕರಾಚಿ ಸಮೀಪದ ಕ್ಲಿಫ್ಟನ್‌ನಲ್ಲಿ ದಾವೂದ್ ವಾಸವಾಗಿದ್ದಾರೆ ಎಂದು ಭಾರತೀಯ ಭದ್ರತಾ ಸಂಸ್ಥೆ ಹಿಂದೂಸ್ಥಾನ್ ಟೈಮ್ಸ್‌ಗೆ ಹೇಳಿದೆ.

ದಾವೂದ್, ಶೇಖ್ ದಾವೂದ್ ಹಸನ್ ಹೆಸರಿನಲ್ಲಿ ಪಾಸ್‌ಪೋರ್ಟ್ ಹೊಂದಿದ್ದು, ಕುಟುಂಬದೊಂದಿಗೆ ಹಲವು ಬಾರಿ ಪಾಕಿಸ್ತಾದಿಂದ ದುಬೈಗೆ ಪ್ರಯಾಣ ಮಾಡಿರುವುದು ಭದ್ರತಾ ಸಂಸ್ಥೆಗಳಿಗೆ ದೊರೆತ ನೂತನ ಸಾಕ್ಷ್ಯಗಳಿಂದ ಸಾಬೀತಾಗಿದೆ. ಅಲ್ಲದೆ ದಾವೂದ್ ಕನಿಷ್ಠ ಮೂರು ಪಾಸ್‌ಪೋರ್ಟ್‌ಗಳನ್ನು ಹೊಂದಿದ್ದಾನೆ ಎಂದು ಭದ್ರತಾ ಸಂಸ್ಥೆ ತಿಳಿಸಿದೆ.

ಭಾರತ-ಪಾಕಿಸ್ತಾನ ರಾಷ್ಟ್ರೀಯ ಭದ್ರತಾ ಸಲಹೆಗಾರರ ಮಟ್ಟದ ಸಭೆ ಸೋಮವಾರ ನಡೆಯಲಿದ್ದು, ಈ ವೇಳೆ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್ ದೊವಲ್ ಅವರು, ದಾವೂದ್ ಪಾಕಿಸ್ತಾನದಲ್ಲೇ ಇರುವ ಬಗ್ಗೆ ಲಭ್ಯವಾಗಿರುವ ಹೊಸ ಸಾಕ್ಷ್ಯಗಳನ್ನು ಪಾಕ್ ವಿದೇಶಾಂಗ ಸಲಹೆಗಾರ ಸರ್ತಾಜ್ ಅಜೀಜ್ ಗಮನಕ್ಕೆ ತರಲಿದ್ದಾರೆ ಎನ್ನಲಾಗಿದೆ.

Shame Shame BBMP Part 2

Shame Shame BBMP Part 1